ШИЕЛІДЕ САЙЛАУ УЧАСКЕЛЕРІНДЕ ДАУЫС БЕРУ ҚАРҚЫНЫ ЖОҒАРЫ ЖҮРУДЕ

Шиелі ауданындағы сайлау учаскелерінде дауыс беру қарқыны жоғары. Аудан тұрғындары белсенділік танытып, өз таңдауларын жасауда. Сайлаушылар қатарында қариялар, жастар, жас жұбайлар және түрлі сала өкілдері бар.

Қазіргі таңда Шиелі ауданында барлығы 41 сайлау учаскесі жұмыс істеуде.  Сайлау учаскелерінде тұрғындардың дауыс беруіне барлық қажетті жағдай жасалған. Сайлау үдерісі белгіленген тәртіппен жүргізілуде.

Сайлау күні тұрғындарға көтеріңкі көңіл-күй сыйлау мақсатында мәдени-көпшілік және спорттық шаралар ұйымдастырылуда. Сайлау учаскелерінің маңында киіз үйлер тігіліп, ұлттық тағамдар – бауырсақ, айран және басқа да дәмдер ұсынылуда. Шиелілік тұрғындар өз таңдауын жасап, азаматтық белсенділіктерін танытуда.

@Шиелі ауданы әкімінің баспасөз қызметі