Алғабас ауылындағы №157 Б.Пәрімбетов атындағы орта мектептің 6 сынып оқушысы, аудандық әуез мектебінің шәкірті Дильназ облыстық іріктеу кезеңінде қатарластарынан оқ бойы оза шыққан болатын. Әнші қыз бұған дейін де облыстық, республикалық «Бозторғай», «Бала дауысы», «Шаттық» секілді бірнеше ірі жобалардан жүлделі орындарды иеленіп келеді. Өткен жылы ғана ҚР еңбек сіңірген қайраткері Майра Ильясованың ұйымдастыруымен өткен «Самға жұлдыз» республикалық балалар мен жасөспірімдер байқауында ерекше көзге түсіп, бас жүлдемен оралған болатын. Дильназдың анасы «Қызымның бәйгеге қосылып, жеңіске жетуіне әуез мектебіндегі ұстазы Нұртілек Ахтаевтың еңбегі зор» – дейді.
Жерлесіміз Дильназ Ташмұхамед алдағы уақытта Египетте өтетін әнші балалар арасындағы халықаралық байқауға жолдама алды. Бұлбұл дауыс­ты дарынды бүлдіршіннің қанаты талмай, ән әлемінің шыңында қалықтай беруіне біз де тілектеспіз.

Г.СӘБИТҚЫЗЫ