Бұл байқау еліміздің өнерлі жастарының басын қосты. Алматы, Жезқазған, Атырау, Астанадан келген өрендермен қатар ауданымыздан барған бірнеше балалар бағын сынаған болатын. Олар қазақтың қара домбырасымен оңтүстіктіктердің жүрегін тебірентіп тыңдармандары мен сарапшылардың көңілінен шыға білді. 17 жыл еңбек өтілі бар білікті маман, бірнеше байқаудың жүлдегері Ғалымжан Ерімшеевтің өнердегі шәкірті, əуез мектебінің оқушысы Файзулла Асылжан бас жүлдені иеленген. Ал, 2006 жылдан бері жұмыс жасап келе жатқан Нигора Пейсенованың оқушылары Мүфтілда Альбина I дəрежелі лауреат атанса, Таңнұры Балтабекова және Асел Тастанхан I орындарға ие болды.
Жерлестерімізді жеңістерімен құттықтап, жетістіктен жетістікке жетіп, ауданымыздың атын асқақтата беріңдер дейміз.