Өскен өңір Osken-onir.kz ақпараттық агенттігі
» » ӘР ӨЛЕҢІ – БІР ӘЛЕМ

ӘР ӨЛЕҢІ – БІР ӘЛЕМ

Шиелі аудандық орталық кітапханасында 9 ақпан қазақтың ақиық ақыны, қазақ поэзиясында үлкен қолтаңба қалдырған Мұқағали Мақатаевтың туған күніне орай «Әр өлеңі – бір әлем» атты ақынды еске алуға арналған әдеби-сазды кеш өтті. Оны аудандық қоғамдық даму бөлімінің «Жастар ресурстық орталығы» КММ мен аудандық орталық кітапхана қызметкерлері ұйымдастырды.
Кешке поэзия әлеміне жаны құштар жас таланттар, ұстаздар мен мемлекеттік мекеме қызметкерлері, шығармашылық өкілдері қатысты. Мазмұнды шараны аудандық қоғамдық даму бөлімінің бас маманы Гүлшат Рысқалиқызы лирик ақын Мұқағалидың сезімге толы әнімен ашып, көрерменге ақынның өлеңдері, өнегелі өмір жолы туралы естеліктермен бөлісті.
Әдеби­сазды кеште қатысушылар мұзбалақ ақын Мақатаевтың өлеңдерінен үзінділер оқып, «Нартай» өнер мектебінің өнерпаздары ақынның сөзіне жазылған әндерді нақышына келтіре орындады. Кештің бір мазмұндылығын аша түскен оқиға ақынның «Қазақ радиосының» алтын қорында сақталған өз даусы тыңдалып, көрермен ерекше әсерге бөленді. «Ғасыр ақыны» атанған Мұқағали жырлары жылдан­жылға, ғасырдан ғасырға өте бермек.
13 ақпан 2024 ж. 75 0