Өткен бейсенбіде жалауы желбіреген бокстан жасөспірімдер арасындағы республикалық турнир 4 күнге созылып, жексенбі күні мықтыларды анықтады.
Бір айта кетерлігі, ауданың «Құрметті азаматы» Ә.Шорабаевты еске алуға арналған бұл бәсеке осымен 8 мәрте өткізілуде. Оған биылғы жылы еліміздің 6 облысынан 250-ден аса жас боксшы қатыстып, 15 салмақ дәрежесі бойынша сынға түсті. Жас боксшылар әрбір жекпе-жекте жеңіске деген ынта жігер танытып қана қоймай, қарсыласқа деген құрметті де ұмыт қалдырмады. Ал жарыс қорытындысы бойынша командалық есепте I-ші орында Ақтөбе облысының спортшылары, II-орынды Алматы облысының спортшылары, III-орынды Қызылорда, Түркістан, ­Батыс Қазақстан облысының боксшылары өз ара бөлісті.

Ал марапаттау рәсіміне арнайы қонақ ретінде аудан әкімі Нариман Әскербекұлы келіп, жеңімпаздарға бағалы сыйлықтар табыс етті. Атап айтсақ, 42 кг салмақта I-ші орында қызылордалық спортшы Михаил Тұрсынов, 44 кг салмақта I-ші орында шиелілік Нұрсаят ­Тынысбеков, 46 кг салмақта I-ші орынды ақтөбелік Ізтай Мадияр, 48 кг салмақ бойынша тараздық Мағжан Қуанышбек, 50 кг салмақта алматылық Мади Хамза, 52 кг салмақта I-ші орынды ақтөбелік Жансерік Көшербаев, 57 кг салмақта I-ші орынды алматылық Әлихан Әскер, 57 кг салмақта I-ші орынды ақтөбелік Рауан Әлихан, 60 кг салмақта I-ші орынды батыс қазақстандық Өнер Сейілхан, 63 кг салмақта I-ші орынды жамбылдық Есжан Сатыбалды, 66 кг салмақта I-ші орынды батыс қазақстандық Бекзат Хамиғолин, 70 кг салмақта I-ші орынды қармақшылық Мирас Қорғанбек, 75 кг салмақта I-ші орынды түркістандық Аралбек Қосымбай, 80 кг салмақта I-ші орынды түркістандық Азамат Адланұлы, 80 кг-нан жоғары салмақта I-ші орынды қызылордалық Әзтай Әбілмансұр иеленді. Сонымен бірге, «Жеңіске деген құштарлығы үшін» арнайы жүлдесі Түркістан облысынан келген Ілесбек Ырысбекке табысталса, жарыстың «Үздік боксшысы» номинациясы батыс қазақстанан келген Өнер Сейілханға бұйырды.