Өскен өңір Osken-onir.kz ақпараттық агенттігі
» » Жазба ақындар мүшәйрасы өтті

Жазба ақындар мүшәйрасы өтті

Ә.Тәжібаев ауылында ақынның 110 жылдығына және қарттар күніне орай жазба ақындар мүшәйрасы өтті. Байқаудың негізгі мақсаты - талантты жастарды қолдап, олардың өнер жолындағы талпыныстарын бағалау. Мүшәйраға 13 елді мекеннен 18-35 жас аралығында ақындар қатысты. Олар екі кезең бойынша бақ сынасты. Әуелі Ә.Тәжібаевқа арналған өлеңдерін оқыса, екінші бөлімде қазыналы қарттарға өлең арнады.
Сайыс барысында 214 мектеп оқушылары Сыр бойының мәуелі бәйтерегіне айналған Ә.Тәжібаев туралы қысқаша анықтама беріп, туындыларын көрермендерге таныстырды. Мүшәйрада өлең оқылып қана қоймай, әуезді ән де шырқалды. Ақындарға аудандық мәдениет үйінің әдіскері Айзада Әшімқызы және 205 мектеп директоры Асқар Есім қазылық етті. Ақындар арасындағы байқау тартысты һәм мағыналы өтті. Сайыстың қорытындысы басылымның алдағы санында жарияланатын болады.

"Өскен өңір" ақпарат

27 қыркүйек 2019 ж. 2 117 0