Бұрнағы күні «Нұр Отан» партиясы Шиелі аудандық филиалы ғимаратында Шиелі ауданының қоғамдық кеңесінің қалыптастырылған құрамы отырысы өтіп, күн тәртібіне қойылған төрт мә­селе қаралды. Аудандық ішкі істер бөлімі басшысының орынбасары Әліп Қазыбек «Есірткі бизнесіне қарсы күрес бағытында қабылданып жатқан шаралар туралы», Аудандық экономика және бюджетті жоспарлау бөлімінің басшысы Марат Шоханов «2017-2019 жыл­дарға арналған аудандық бюджет туралы» Шиелі аудандық мәслихатының 2016 жылғы 23 желтоқсандағы №7/2 шешіміне өзгерістер енгізу жайлы, Сұлу­төбе ауылдық округінің әкімі Кажданбек Маматов Сұлутөбе ауылдық округі, «Бірлестік» елді-мекеніне Жаназар батыр есімін беру туралы, Керделі ауылдық округінің әкімі Ержан Файзулла Керделі ауылдық округіндегі атауы жоқ көшеге есім беру туралы хабарламаларын жасап, ұсыныстарын білдірді.