Бейсенбі күні аудан әкімдігінің мәжіліс залында VІ шақырылған аудандық мәслихаттың кезектен тыс 16 сессиясы өтті.«2017-2019 жылдарға арналған аудандық бюджет туралы» Шиелі аудандық мәслихатының 2016 жылғы 23 желтоқсандағы №7/2 шешіміне өзгерістер енгізу жайлы аудандық экономика және бюджеттік жоспарлау бөлімінің басшысы Марат Шоханов хабарлама жасады. Ал, аудандық мәслихаттың 2010 жылғы 28 қыркүйектегі «Аудан әкімдігі жанындағы құқық бұзушылық профилактикасы жөніндегі ведомствоаралық комиссияның құрамын бекіту туралы» №37/4 шешіміне өзгерістер енгізу туралы «Шиелі аудан әкімінің аппараты» КММ-нің басшысы Ғ.Күлбаев ұсынысын берді. Аудандық мәслихаттың 2016 жылғы 11 ақпандағы «Шиелі ауданының Қоғамдық кеңесінің қалыптастырылған құрамын бекіту туралы» №50/4 шешіміне өзгерістер енгізу туралы қоғамдық кеңесті қалыптастыру жөніндегі жұмысшы тобының жетекшісі Патима Маханбет мәлімдеме жасады. Күн тәртібіндегі мәселелер толық қаралып, тапсырмалар тапсырылды.