БАТАГӨЙЛЕР БАЙҚАУЫ
Наурыз мерекесіне орай, атадан қалған ұлттық салтымызды ұрпақтар арасында сабақтастық тұрғысынан насихаттау, бата сөздер жанрының қазіргі контексінде жаңаша мазмұнмен толығып, дамуына үлес қосу бағытында Ш.Кодаманов мәдениет үйінің және аудандық «Қазақ аналары – Дәстүрге жол» республикалық қоғамдық бірлестігінің ұйымдастыруымен «Бата – өмірдің даналық күші» атты байқау өтті.Шараға ауданның 16 елді мекенінен батагөйлер қатысты. Сайысты бірлестік төрайымы Алтынай Мырқықызы мен аудандық кент ардагерлері төрағасы Болат Күлімбетов сәттілік тілеп, ашып берді. Шара шымылдығы Айшахан Молжігіттің «Жарапазан» әнімен түрілді.
Соңында батагөй сайысына қатысқан сайыскерлерге арнайы номинациялар белгіленіп, алғыс хаттар мен сыйлықтар табысталды. Ш.Қодаманов елді мекенінің әжелер ансамбілі өз өнерлерін көрсетіп шараны ажарландыра түсті.
«Өскен өңір» ақпарат
