Cалтымыз бен дәстүрімізге, әдет-ғұрпымызға сай өтетін жиындарда халықты жікшілдік пен топшылыққа салынбай ел ішінде ұйытқы бола жүрген ақсақалдарымыз әр кез біз үшін бір төбе. Өмірмен біте арласып, қоғамның қозғаушы күші бола білген, салиқалы сөздерін ұрпақтан аямаған ардагерлеріміз арасында "Шиелі-Самғау" жастар қоғамдық бірлестігінің және Н. Бекежанов ауылдық мәдениет үйінің ұйымдастыруымен "Атаңнан бота қалғанша, бата қалсын" атты бата беруден жарыс өткізілді. Байқау 3 кезеңнен тұрды. Бірінші кезең бойынша дастархан батасын берсе, екінші кезең бойынша Жас отау иелеріне және үшінші кезең жолаушыға бата беруден тұрды. Жарыс соңында қатысушы ардагерлердің арасында өнері мен талантының арқасында озып шыққан ардагерлер жүлделі орынмен және алғыс хатпен қаржылай сыйлықпен марапатталып, естелік суретке түсті.