Ардагерлер арасындағы үстел теннисі
Аудан әкімінің қолдауымен «Шиелі-Самғау» жастар қоғамдық бірлестігінің ұйымдастыруымен «Жергілікті ардагерлер кеңесін дамыту және қоғамның тұрақтылығын қамтамасыз ету» әлеуметтік жобасы аясында аудан ардагерлері арасында Шиелі аудандық спорт клубында үстел теннисінен турнир өткізілді. Жарыста қазылар алқасы болған спорт клубынының басшысы Нұрлан Ермұхаммедов, Батырхан Нұрымов, Дулат Егенберді әділ бағаларын берді. Нәтижесінде Сейтқали Ділімбетов І орынды иеленсе, ІІ орынды Серікбай Нұрбеков, ІІІ орынды Алшағыр Түменов жеңіп алды. Шараға қатысқан басқа да қатысушыларды алғыс хатпен және қаржылай сыйлықпен марапаттады. Жарыс соңында аудан ардагерлері ұйымдастырушыларға ризашылығын білдірді.
