Апта басында аудандық жастар ресурстық орталығы мен «Шиелі-Самғау» жастар қоғамдық бірлестігінің бірлесе ұйымдас­тыруымен аудандағы жұмыссыз жастар арасында үстел теннисінен турнир өтті. «Салауатты өмір – көтеріңкі көңіл» атты жарысқа кент пен елді мекендерден бірнеше жас қатысып, тартысты ойын көрсетті. Нәтижесінде, «Ең үздік жұп» номинациясымен Әзімхан мен Таир марапатталса, Алмас Ақпейілов «Ең жылдам ойыншы» атанды. Ал, жүлделі ІІІ орын Бестам ауылының тұрғыны Ақниет Ибраевқа, ІІ орын жиделілік Думан Отарбайға бұйырды. Қарсыластарына дес бермей, топжарған Бестам ауылының азаматы Аманжол Сәрсен І орынды иеленді.
Одан бөлек аталмыш қоғамдық бірлестік «Арман» мәдениет үйін­де жұмыссыз және өзін-өзі жұмыс­пен қамтыған жастар арасында «Ел ер­теңі бүгінгі жастар» атты бөлім басшыларымен кездесу ұйымдастырды. Онда аудандық білім бөлімі басшы­сының міндетін атқарушы Жібек Бай­мұратова, мәдениет және тіл­дер­ді дамыту бөлімі басшысының мін­детін атқарушы Нұрболат Абуса­­диров өз салалары бойынша атқарылып жатқан жұмыстарды баян­­­­­­­­­­дап, жастардың қоғамдағы рөлі жайлы әңгіме өрбіді.

«Өскен өңір» ақпарат.