Ардақты ұстаз, қадірлі әріптес едің

 Сұлу сөзден маржан терген орақ тілді шешендер «Ұстаз – ұлағатты есім» деп бекер айтпаған болар. Сол асыл ұстаз Исиркепова Меруерт Сұлтанбекқызы бақилық сапарға аттанып, жан-жүрегімізді сыздатып кете барды. Саналы ғұмырының 23 жылын ұстаздық жолға арнаған әріптесіміз қазақ тілі мен әдебиеті пәнінің мұғалімі еді. Кім кімге де әріптесінің қазасының ауырлығын сезінуден артық қайғы жоқ екен. Жалған дүние-ай! Өткен күннен алыс жоқ деген осы екен-ау. Әріптесімізбен өткен әрбір сәтіміз қол жетпес қазынаға айналып қала берді. Бүгін әріптесіміз Меруерт апай тірі болғанда 44 жасқа толар еді. Амал қанша, Алланың жіберген ажал жебесі осылайша ұжымымызды қайғыға көмсе де, тәңірдің жазғанына қарсы тұра алмаймыз. Жатқан жеріңіз жайлы, топырағыңыз торқа болсын, қадірлі әріптес!
Ғайып болдың өмірден қас қағымда,
Сыйлы едің ағайынға, достарыңа.
Нұрлы жүзің өшпейді көкіректен,
Сыр көп еді сөзіңнің астарында.
Қимаймыз, амал қанша шарасызбыз,
Мәңгі есінде шәкірттің қаларсыз сіз.
Меруерт апай асыл жан ең біздер үшін,
Қалдық енді  қамқоршы, жанашырсыз.
Еске алушылар №159  Еңбекші қазақ орта мектеп ұжымы