Сотталғандардың әлеуметтік жағдайы ескерілді
Бейсенбі күні Шиелі аудандық полиция бөлімінде Қызылорда облысы прокурорының орынбасары М.Катаев пробациялық бақылаудағы сотталғандармен кездесті.
Аудандағы айыптылардың жай-күйін білмекке келген Қызылорда облысы прокурорының орынбасары М.Катаев бірнеше заңдарға өзгерту енгізілгенін айтты. Арнайы сол заңдарға тоқталып, жалпақ тілмен өзгертулерді толық түсіндіріп өтті. Сондай-ақ, сапалы медициналық-санитарлық көмек көрсету, сотталғандардың тамақтануы және еңбекпен қамтылуын ұйымдастыру мәселелерін қарады. Өйткені сотталғандарды жұмысқа орналастыру ең өзекті мәселе. Кездесу барысында облыстық прокурордың орынбасары бақылаудағы сотталғандардың әлеуметтік жағдайына ерекше тоқталып, құзырлы органдарға бағыт-бағдар берді.
Г.ӘБДІХАНИ