Жексенбі күні аудан әкімі Әшім Оразбекұлы мен орынбасарлары және ауыл шаруашылығы бөлімінің басшысы мен аудандық кәсіпкерлік бөлімінің басшысы орталық базарды аралап, сауда жағдайымен, өнімдер бағасымен танысты.
Аудан басшысы саудагерлердің жағдайын сұрап, Әлеуметтік маңызы бар азық-түлік бағаларын бақылап, негізсіз өсімнің болмағанына көз жеткізді. Ауыл шаруашылығы бөлімінің басшысы М.Әшірбеков:
– Ауданда күн сайын сағат 11-00-ге дейін және аптасына бір рет республикалық деңгейде азық-түлік бағаларына мониторинг жүргізіліп, облыстық ауыл шаруашылығы басқармасына және аудан әкімдігіне күнделікті мәлімет беріліп отыр. Аудан басшысы бүгін ешқандай ескертусіз, жоспардан тыс базарға келіп, азық-түлік бағасын бақылап шықты, – дейді.

«Өскен өңір» ақпарат.