Тәуелсіздік мерекесіне орай кентіміздегі Яссауи көшесі бойынан «Береке» сауда орталығы ашылды. Көлемі 600 шаршы метрді құрайтын сауда орнында азық-түліктің барлық түрі мен тұрмысқа қажетті өнімдер қолжетімді бағада сатылуда. 
Сауда нүктесінің салтанатты ашылуына аудан әкімі мен орынбасарлары, ақсақалдар, кент тұрғындары жиналды. Аудан басшысы Әшім Оразбекұлы

• Тәуелсіздік мерекесі қарсаңында кентіміздің орталық көшесінен осындай сауда орнының ашылуы ауданымыздың көркін одан әрі аша түседі. Өңірімізде жайма базарлар азайып, жабық, сәнді, таза сауда орындарының көбеюі дамудың бір көрінісі, – деді.

Сауда орталығының лентасы салтанатты түрде қиылып, тәттіден шашу шашылды. Қатысушылар ғимараттың ішін аралап, кәсіпкер Григорий Данелянға сәттілік тіледі.