Бүгін Шиелі ауданында «Тәуелсіздік күні» мерекесі қарсаңында Шиелі кенті, Яссауи көшесінің бойында орналасқан «Береке» сауда орны пайдалануға берілді.
Аудан әкімі Әшім Оразбекұлы жиналған жұртшылықты елдігіміздің тұмары, ерлігіміздің шынары болған - Қазақстан Республикасы Тәуелсіздік мерекесімен құттықтай келе, жаңа кейіпке енген сауда нысанының лентасын қиып, ашылу рәсімін жасады.
Сауда орынының жалпы аумағы 600 шаршы метр. Жобаның жалпы құны 40 млн. теңге. Шағын маркетте халық тұтынатын азық-түлік, химия өнімдерінің барлық түрі тұрғындарға қол жетімді бағада сатылуда. «Береке» сауда орнында 8 адам тұрақты жұмыспен қамтылуда.