28-маусым – Халықаралық байланыс және ақпарат қызметкерлері күні болып ресми түрде аталып өтіп келеді.  Бұл айтулы мереке Қазақстан журналистері үшін ерекше күн. Осы күні республика, облыс, аудан көлемінде түрлі шаралар ұйымдастырылып, қаламы жүйрік, қарымды журналистер сый-сияпатқа ие болады. Өз саласында түрлі жетістікке жеткен телерадио, баспасөз, телевидение тілшілерінің еселі еңбектері еленіп, мерейі үстем болады.
Биыл шиеліліктер үшін де толайым табысты жыл болды. Өздеріңізге белгілі аудандағы жеті журналист ҚР Журналистер одағына мүшелікке қабылданғаны жөнінде газетіміздің өткен нөмірінде сүйіншілей хабарлаған болатынбыз. Міне, сол қуаныштың ізін жалғап «Сыр медиа» ЖШС бас директоры А.Оңғарбаев халықаралық байланыс және ақпарат қызметкерлері күні қарсаңында газетіміздің тұрақты, штаттан тыс тілшісі, ардагеріміз Ө.Исмаилға, 10 жылдан бері фототілші қызметін атқарып жүрген Б.Бәйімбетке, «Сыр медиа» ЖШС қарасты тарату бөлімінің қызметкері Э.Ахметоваға алғыс хат жолдады. Алғыс хат иелерін салтанатты түрде марапаттау үшін редакцияға ҚР Мәдениет қайраткері, жазушы, заңгер А.Ысымов келіп Ө.Исмаилға
медиа директорының марапатын табыстады. Ал, Б.Бәйімбетке «Фолиант» баспасының фототілшісі Б.Байсейітов, Э.Ахметоваға «Өскен өңір» газетінің бас редакторы Н.Пірімбет тапсырды.
Г.ӘБДІХАНИҚЫЗЫ.