Осыдан тура 20 жыл бұрын яғни 1997 жылдың 10 желтоқсаны тарихи маңызды оқиғаның атаулы датасы болып ел жадында қалды. Себебі Ақмола қаласы бүгінде барша әлемге Астана деген атаумен танылған Қазақстан Республикасының Елордасы болып жарияланды. Тарих үшін аса қысқа, қас қағым мерзім ішінде Астана заманауи мегаполиске, мемлекет пен қоғамның қарқынды дамып келе жатқан барлық саласына оң әсер етуші қоғамдық-саяси, экономикалық, ғылыми әрі әлеуметтік-мәдени танымал орталыққа айналды. Бүгін Шиелі жұртшылығы Астана қаласының 20 жылдығын атап өтті. Шара барысында аудан әкімінің орынбасары А. Есмаханов барша жұртшылықты тәуелсіз еліміздің жүрегі боп саналатын Астана қаласына 20 жыл толу мерекесімен құттықтады. Мерекелік шара аудан өнерпаздарының концерттік бағдарламасына ұласты.