Аудан әкімі Айтбай Насриддинұлы аудандық ардагерлер кеңесінің төрағасы Өркен Исмаилмен бірге 1 қазан – Халықаралық қарттар күні мерекесіне орай ардагерлерді ардақтап, шаңырағына арнайы барып құттықтады. Аудан басшысы алдымен, ғасыр жасаған тыл ардагері – Әділхан Османовтың шаңырағында болып, қарияны төл мерекесімен құттықтады. Сондай-ақ, 90 жастағы кейуана – Нысанкүл Оразымбетованы, 96 жастағы тыл ардагері, білім саласының ардагері – Майра Бірімжанованы арнайы құттықтап, құрмет көрсетті. Ардақты ардагерлер аудан әкіміне ерекше алғыстарын білдіріп, қазақтың салтымен ақ батасын беріп, алдағы жұмысына сәттілік тіледі.