Семинардың мақсаты – оқыту үдерісін ұйымдастыруда оқытудың тиімді идеяларын ұсыну.

Ерекшілігі сол, оқушылар семинардың ашылуын "Дублёр" форматында жүргізді. Мектеп дублёр басшылары оқу ордасының жетістіктерімен таныстырса, дублёр психологы семинарға қатысушыларға "Кедергілерді жеңу" тренингі арқылы керемет көңіл-күй сыйлады.

"Жайлы орта" жоба аясында биология пәнінен "Эволюцияның дәлелдемелері", әдебиеттік оқу пәнінен Б.Соқпақбаев "Көшер кезде" үлгі сабақтары, "Біз тарихымызды тағылым етеміз, біз – тарихтың жалғасы" сыныптан тыс жұмысын көрсетті.

Сонымен қатар, ЕБҚ оқушылармен "Жадыны дамыту", "Құм терапиясы", "Балалардың ойлау қабілетін арттыра отырып, шығармашылығын дамыту" түзету-коррекциялық сабақтары жүргізілді.

Мектеп директоры оқу ісі жөніндегі орынбасары А.Дінбаеваның ұйымдастыруымен "Ерекше бала визиткасы" тақырыбында семинарға қатысушылардан үлгі, сыныптан тыс, түзету сабақтарында дарынды оқушы, оның ерекшелігі "көрініс таба алды ма? Және ЕБҚ оқушы сабақ үстінде өзін жайлы сезіне алды ма?" бағытында ашық пікір алмасу кері байланысы өткізілді.