1 МАМЫР – ҚАЗАҚСТАН ХАЛЫҚТАРЫНЫҢ БІРЛІГІ КҮНІ МЕРЕКЕСІ ҚАРСАҢЫНДА АБЫЛАЙХАН КӨШЕСІ БОЙЫНДАҒЫ САЯБАҚТЫҢ ҚҰРЫЛЫСЫ АЯҚТАЛЫП, САЛТАНАТТЫ ТҮРДЕ АШЫЛДЫ.
Иә, бүгінгі күнге дейін аудан тұрғындары үшін салқын ауаны саялап, таза ауада тынығатын саябақтар жоқтың қасы болатын. Биыл міне, кенттің ортасынан бірнеше тынығу орнының құрылысы жүргізіліп, алғашқысының лентасы мереке аясында қиылды.
Ашылу салтанатына аудан əкімі Әшім Оразбекұлы мен аудандық ардагерлер кеңесінің төрағасы Сұлтанбек Орызымбетов, «Семізбай-U» ЖШС директоры, аудандық мәслихат депутаты Мұқанбетжан Салқынбаевтар татулықты ту еткен тұрғындарды мерекелерімен, жаңа демалыс орнының ашылуымен құттықтады. Сондай-ақ, аудан басшысы демалыс орнын салуға тікелей үлес қосқан «Семізбай-U» ЖШС директоры, аудандық мәслихат депутаты Мұқанбетжан Салқынбаевқа тұрғындар атынан рақметін айтып, алғыс хат табыстады.
Е.ДАТКЕНОВ.