Ы. Жақаев саябағында еңбек озаттары марапатталды
30 қазан күні Шиелі ауданы, Ы. Жақаев саябағында "Алтын күз - 2021" мерекесі өткізілді. ҚР Тәуелсіздігінің 30 жылдығымен және даңғайыр дихан Ы. Жақаев атамыздың 130 жылдығымен тұспа-тұс келіп отырған мерекеде түрлі саладағы еңбек озаттары марапатталды.
Озаттарды марапаттау мәртебесі облыстық мәслихат хатшысы Байқадамов Наурызбай Сейтқалиұлы мен аудан әкімі Нариман Мақұлбековке бұйырды. Наурызбай Байқадамов облыс әкімінің жүрек жарды ақ тілегін, тұрғындарға жеткізсе, аудан әкімі дихандардың биылғы жеткен жетістігін айтып, елді бір марқайтты.
