№47 М.В.Ломоносов атындағы мектеп-лицей базасында ұйымдастырылған шара барысында, Bugin holding-нің техно-инновациялық жобаларының бас кеңесшісі Садық Шерімбек, «Daryn online» білім беру платформасының Нұр-Сұлтан қаласы бойынша бас серіктесі Ержан Оналбаев, Bugin holding-нің медиа серіктесі Тайыпжан Дәулетхан қатысып, балаларға саяхат барысы, мақсаттары жайлы және 11-сынып оқушылары үшін мамандық таңдауға бағыт бағдар берді.

Осы білім ордасының үздік, талабы биік, республикалық сайыстардың жеңімпазы, 4-сынып оқушысы Мұстафа Ерсұңқарға холдингтің жетекшілігімен шығарылып жатқан қызықты экономикаға баулитын ертегі сыйлыққа берілді. Ал, мектептің 11-сынып оқушысы, облыстық, республикалық сайыстардың жеңімпазы, республикалық «ХХІ ғасыр көшбасшысы» телевизиялық интелектуалды сайысының қатысушысы Қасиет Шамшатқа «Orda joly» платформасын 1 жылға тегін пайдалануға сертификат пен пайдалы білім сыйлайтын қызықты кітап сыйға тартылды. Шара барысында холдинг өкілдерінен мектептің кітап қорына да қызықты кітаптар сыйға тартылды