Шиелі аудандық мәдениет Үйінде әнші, Қазақстанның еңбек сіңірген қызметкері, «Құрмет» орденінің, «Халық алғысы» медалінің иегері Әлмырза Ноғайбаевтың шығармашылығына арналған «Ән-ғұмыр» атты фильм-концерт болып өтті.
Кешті дәстүрлі әнші-термеші, «Ноғайбаевтар» халықтық-отбасылық ансамблінің жетекшісі Ақмарал Ноғайбаева, көркемдік жетекшісі Гүлнұр Сәдуақасова жүргізіп отырды.

Кеште Әлмырза Ноғайбаевтың аңызға айналған «Ақсақ киік», «Қара мең», «Дүкенші қыз», «Той думан», «Бөлмеміздің арасы алты қадам», «Ғашықтық ғаламаты», «Мәңгілік» әндері шырқалып, мұрағаттан алынған 1983 жылғы «Тамаша» ойын-сауық отауында түсірілген таспалар, «Қазақстан» ұлттық арнасының «Келбет», «Абай» арнасының «Ән ғұмыр» бағдарламасынан үзінділер көрсетілді.