Осынау киелі өлкеде елге елеулі жүйріктер санатынан көрініп, сыр сүлейлерінің көшін жалғаған, «Ерен еңбегі үшін» медалінің иегері, айтыс аламанының ақиық ақыны атанған Махамбетқали Тұрсанов 80 жасқа, Қазақстанға еңбегі сіңген қызметкер, әнші-сазгер Әлмырза Ноғайбаевтың 70 жасқа келу мерейтойына арналған мерекелік шараны ауыл ақсақалы, ардагер ұстаз – Асанхан Ақпанбетов ашып берсе, байқау талапкерлеріне М.Тұрсанов ақ батасын берді.
Байқауға ҚР мәдениет қайраткері, жырау, “Нартай” өнер мектебінің директоры Құрманбек Бекпейіс төрағалық еткен қазылар алқасының шешімі бойынша, қазақтың музыкалық аспаптарында қазақ композиторларының және халық әндерін нақышына келтіре орындап, ел ықыласына бөленген “Нартай” өнер мектебінен Н.Оспанов бас жүлдені иеленді. Ал, жүлделі І орынды ортақшылдық Ғ.Нысанбаев, ІІ орынды алмалыдан А.Жұмашева мен сұлутөбелік С.Асанбаевалар қанжығаласа, ІІІ орынды алғабастық К.Жүсіп, нартайлық Ө.Мінуәров және жиделілік Р.Қалкөзов алды.