М.Қалдыбаев Ортақшыл ауылында ең алғашқы мектептің негізін қалап, «Қазақ ССР халық ағарту ісінің үздігі», «Еңбек Қызыл Ту» ордендерінің иегері бола білді. Ардақты ұстаздың мерейтойына арналған шараны ауылдық ардагерлер кеңесінің төрағасы Т.Нысанбайұлы ашып, көпшілікті осынау мерейлі мерекемен құттықтады.
Ұстаздар мерекесімен ұштаса келген бұл шараға ауыл тұрғындары, ардагер ұстаздар және халық алғы­сына бөленген М.Қалдыбаевтың ұрпақтары мен шәкірттері арнайы шақырылды. Ұстаз шәкірттері әрі із­ба­­сарлары Т.Смайылұлы, С.Есен­құ­лов, П.Бөбекова мен ұл-қыздары – С.Қалдыбаев, ардагер ұстаз – Р.Қал­дыбаевалар Мінәт атамыз жайлы өткен күндерден естеліктер айтты. Келген қонақтар ауыл өнерпаздарының ұстазға деген құрметі мен арнау-жырларын, «Жас ұлан» ұйымының әдеби монтажын тамашалады. Сонымен қатар, Мінат атамыздың ізгі істерін насихаттаушы, мол мұрасын келешек ұрпаққа жеткізуші, мектептің ардагер ұстазы А.Ақпанбетов те ұлағатты тұлғаның өмірінен жастарға үлгі, өнеге боларлық деректер келтірді.

Дина ӘБІЛАСАН.