1991 жылы 1 желтоқсанда алғаш рет Қазақ ССР Президентінің жалпыхалықтық сайлауы өтіп, ол сайлауда Нұрсұлтан Назарбаев ел Президенті болып сайланғаны баршамызға мәлім. Яғни, ол тағдырын өзі айқындауға алғашқы қадам жасаған Қазақстан үшін 1 желтоқсан мемлекеттілік тарихының мерейлі күні саналуға орны лайықты. Жоғары Парламенттің бекітуімен 2013 жылы 1 желтоқсан Қазақстанда алғаш рет тұрғыш президенті күні аталып өтті. Бұл біздің мемлекетіміз үшін жаңа мереке болып қалыптасты.
29 қараша Н.Бекежанов мемориалдық өнер музейінде «Елін танытқан Елбасы» атты іс-шара болып өтті. Іс-шараны Н.Беке­жанов мемориалдық өнер музейінің директоры Ғ.Көшекбаев ашып берді. №156 Н.Бекежанов атындағы қазақ орта мектебінің тәлімгері Н.Мыханованың ұйымдастыруымен мектеп оқушылары жыр-шумақтарын айтты. «Нар­тай сазы» ансамблінің жетекшісі Р.Қалымбетова және Нартай ауылдық мәдениет үйінің қызметкері Ө.Мінуәров күй тартып өз өнерлерін көрсетті. Іс-шарада «Елім деп соққан» атты қазақ халқының тұңғыш президенті Н.Назарбаевтың өмір жолы, туып-өскен, оқып білім алған, қызмет жолы туралы слайд көрсетілді.
Жанат Утеева,
Н. Бекежанов мемориалдық
өнер музейінің ғылыми қызметкері.