Тәуелсіздік күні – тарихы тереңде жатқан елдің жаңа заманда өз алдына қайта егемен ел болған күні. 1991 жылғы 16 желтоқсанда Тұңғыш Президент Н.Назарбаевтың қол қойған Конституциялық Заңнан бастау алған тәуелсіздігімізге биыл міне, 29 жыл толды. Осы айтулы мерекеге орай облыс әкімі Гүлшара Әбдіқалықова Сыр өңірінің өркен жаюына үлес қосып жүрген азаматтарды, қоғамдық шараға белсене қатысып жүрген жастарды марапаттады. Олардың қатарында 80 жылдық тарихы бар «Өскен өңір» газетінің тілшісі Маржан Құрманғалиева мен баспасөз маманы Абылай Сақтағанов та бар. Аймақтың әлеуметтік-экономикалық өсіп-өркендеуіне қосқан ерекше үлестері үшін өз алғысын айтқан облыс әкімі ел игілігі жолында жасап жатқан еңбектеріне табыс, отбасыларына бақ-береке тілейді.