Елдегі төтенше жағдайға және Шиелі ауданындағы санитарлық талаптарға байланысты елді мекендерге кіру уақытша шектелген болатын. Осыған байланысты аудандық «Өскен өңір» газеті оқырмандардың қолына кеш жетуде. Алайда, аудандық басылым тұрақты түрде жарық көріп жатыр. Егер басылым үйіңізге мерзімінде жетпесе аудан жаңалықтарын ПДФ нұсқасынан оқи аласыздар. ПДФ нұсқаны электронды сайттан жүктеп алуға мүмкіндік бар. «Өскен өңір» газетінің сайты тәулік бойы жұмыс істейді. Қазіргі таңда бас директордың бұйрығымен қызметкерлер де қашықтықтан жұмыс істеуде. Сол себепті туындаған мәселеге түсіністікпен қарауларыңызды сұраймыз.