Мәдениет саласының майталманы
Ұлт руханияты жаңғырған қазіргі шақта мәдениет саласы қызметкерлерінің қоғамдағы алатын орны ерекше.Олар ұлттың түп тамырын тануына, қазіргі жаһандану заманында өз болмыс-бітімін жоғалтпау жолында орасан еңбек атқаруда. Соның бірі – Жиделіарық ауылының тумасы Рахат Қалкөзов. Жиделіарық ауылдық клуб үйінің меңгерушісі қызметін атқарған ол, «Үздік клуб – 2013» аудандық байқауына қатысып, бас жүлдені иеленеді. Одан әрі облыстық байқаулардан да жүлделі оралып, өнердің отын сөндірмей келеді. Үнемі ізденісті қажет ететін мәдениет саласы жаңашылдыққа, жаңалыққа құмар болады. Осы үдеден шыққан Рахат өткен жылды қорытындылап, «Үздік мәдениет саласының қызметкері – 2019» номинациясын алды.
Гүлнәр ДҮЙСЕБАЙ
