Тұрғындар өз таңдауын жасауда

№293  "Бұқар жырау" сайлау учаскесінде де  кент тұрғындары өз таңдауын жасауда. 
Таңертеңгілік басталған сайлауда дауыс беріп жатқан адам қарасы қалың. Біз бұны аудан халқының болып жатқан президент сайлауына бей-жай қарамай, белсенділік танытып, өз үлестерін қосып жатқанының көрінісіне баладық.  Сайлау болып жатқан  жерде, өз кондидатына дауыс беріп жатқан №244 Ы.Жақаев атындағы орта мектептің бастауыш пәні мұғалімі Гүлнар Қозыбайды әңгімеге тартқан едік. 
– Мен бүгінгі болып жатқан президент сайлауына келіп, өзімнің дауысымды беріп жатырмын. Бұл менің осы елдің азаматшасы ретіндегі парызым.
Бұл қазақ елінің болашағы үшін аса маңызды науқан. Сондықтан, әрбір Қазақстандық бір кісідей атсалысу қажет, – дейді Г.Қозыбай.
Сайлау учаскескелік   комиссиясының айтуы бойынша құқықбұзушылық орын алмаған. Бәріне де еліміздің президенті кім болатынын асыға күтуде. 
"Өскен өңір" ақпарат