Арал, Сырдария, Шиелі аудандық және Қызылорда қалалық мәслихаттарынан шығып қалған 4 депутаттың орнына сайлау өтті. Сайлауға 12 үміткер қатысты. 15704 сайлаушы дауыс берді. Бұл туралы бүгін Өңірлік коммуникациялар қызметінде өткен баспасөз конференциясында облыстық сайлау комиссиясының мүшесі Қожамжар Наурызбаев мәлімдеді.
«Сайлау барысына 51 байқаушы бақылау жасады. Сайлау науқаны, дауыс беру және санау кезінде, сондай-ақ сайлаудың нәтижесі бойынша сайлау комиссияларына арыз-шағым түскен жоқ» - деді облыстық сайлау комиссиясының мүшесі Қожамжар Наурызбаев.
Сайлау қорытындысында Арал аудандық мәслихатына Талғат Қанатов, Сырдария аудандық мәслихатына Сейткамал Сұлтанов, Шиеліаудандық мәслихатына Мұханбетжан Салқынбаев, Қызылорда қалалық мәслихатына Муса Абдуқалықов депутат болып сайланды.