Словенияның қазіргі басшысы Борут Пахор президенттік сайлаудың екінші кезеңінде 53% дауыс жинады, деп хабарлайды Baq.kz ақпарат агенттігі.

Борут Пахор Словениядағы президент сайлауында жеңіске жетті. Сайлау комиссиясының деректеріне сәйкес, екінші кезеңде дауыс берушілердің 53%-ы оған қолдау білдірген, деп жазды STA.
Пахор сайлаушыларға екінші мандатта саяси «дауысын» еститіндей етуге уәде берді.

«Президентті сайлаушылар өздерінің уайымдайтын мәселелеріне нақты шешім табылғанын қалайды. Мұны түсінемін. Бұл менің саясаттағы стилімді ертең-ақ өзгертемін деген емес, бірақ менің дауысым естілетіндей жағдай жасаймын», - деді президент.

Борут Пахор әлеуметтік желідегі парақшасына жүйелі түрде фото жүктеп тұрады. Сондықтан халық оны «Инстаграм королі» деп атап кеткен. Ол желіде қызметтік міндеті және түрлі шара туралы сурет салады.