№292 сайлау учаскесінде аудан тұрғындары өз таңдауын жасауда.  Таңғы 7:00 ден жұмысына кіріскен учаскеде жас та, қарт та белсенділік танытуда. Алғашқылардың бірі болып 80 жастағы Алпысбай Мақұлов  Кенже әжемізбен келіп, өз кандидаттарына дауыс берді. Сайлау учаскесіндегілер қарттарымызға шапан жауып, батасын алды. 18 жастағы Рауан Сансызбаев алғаш рет сайлауға қатысып, ел болашағы үшін таңдау жасады. Азаматтық белсенділігі үшін Рауан қабырға сағатын иеленді. №292 "Жайлыбаев" учаскелік сайлау комиссиясының төрағасы Мурат Турабаев: "Жалпы 950 сайлаушысы бар  учаскеде түске дейін  500-ден аса адам дауыс берді. Бұл 65%-ті құрайды, яғни,   белсенділік жоғары.  Тәртіп бұзушылық орын алған жоқ", — деп,  кешкі 20:00 ге дейін өз кандидаттарын таңдаушыларды күтетіндіктерін айтты.
"Өскен өңір" ақпарат