Шиелі кентінің «Азамат» үстел теннисі клубында тәуелсіздік күніне орай спорттық сайыс өтті. Оған 50 жастан асқан ардагерлер қатысты.
Сайыста 8 теннисші бақ сынасты. Олардың ең жасы 52 , ал ең үлкені 68 жастағы салауатты өмір салтын ұстанатын ер азаматтар.

Қызықты да тартысты өткен ойынның қорытындысы бойынша ІІІ орынды Сәрсенбек Әбдіхалықов пен Тұрсынбек Данабеков иеленді. ІІ орын №252 Г.Ковтунов атындағы мектеп-гимназиясының мұғалімі Ғалым Тәжібаевқа бұйырса, І орынға Сергей Пак шықты.

Жеңімпаздар мен жүлдегерлерге аудандық дене тәрбиесі, спорт және туризм бөлімінің грамоталары, кубоктары мен медальдары табысталды.

Жалпы ауданда үстел теннисі қарқынды дамып келеді. Соның бір көрсеткіші – спорт үйірмелерінде және клубтарда 200-ден аса оқушылар, жастар және ардагерлер осы спорт түрімен тұрақты түрде айналысып жүр.