Өскен өңір Osken-onir.kz ақпараттық агенттігі
» » Балуандар белдесті

Балуандар белдесті

Сәрсенбі күні орталық спорт кешенінде Бала би атындағы жасөспірімдер арасында қазақ күресінен республикалық турнир өтті.
Турнирге аудандық мәдениет және тілдерді дамыту бөлімінің басшысы Аруна Өркенқызы, аудандық қоғамдық даму бөлімінің басшысы Кенжехан Есенбаев қатысты.
Республикалық турнирдің ашылу салтанатында аудан әкімінің орынбасары Алмат Алдабергенов сөз алып, турнирге қатысушы спортшыларға ақжарма тілегін білдірді.
– Бүгінде ауданда қазақ күресі­мен 1000-ға жуық балуандар айналысады. Ауданда жас спортшыларды қолдау мақсатында жыл сайын республикалық деңгейде турнирлер өткізіліп келеді. Спорт­тық сайыстардың жүйелі ұйымдасты­рылуы­ның нәтижесінде аудан спорт­шы­лары Қазақстан чемпионат­тарында, азия, және әлем бірін­шіліктерінде ел намысын асқақ­тату­да. Бүгінгі спорттық шара­ның ұйымдастырылуына бас­та­ма­шыл болып, демеушілік көрсе­тіп жүрген Шиелі ауданының «Құрмет­ті азаматы» Темірхан Мәлікұлына және барлық команда жетек­шілеріне алғысымызды білді­ре­мін. Қазақ күресінен Бала би атын­дағы жасөспірімдер арасында өткізіліп отырған республикалық турнирді ашық деп жариялаймын, – деді.
Айта кетейік, дәстүрлі түрде 12 мәрте өткізілген турнирге еліміз­дің 10 облысынан 200-ден астам жас балуан қатысып, өз салмақ дә­ре­же­сі бойынша жүлделі орындар­ды сарапқа салып, бақ сынас­ты.

Дархан ҒАЛЫМЖАНҰЛЫ
05 тамыз 2023 ж. 171 0