"Ойындар жоспар бойынша өтеді, бірақ көрерменнің баруына тыйым салынады. Бұл халықаралық тәжірибе. Барлық еуропалық елде ірі командалар ойнап жатыр, бірақ көрермендер жоқ. Бізде де осындай шешім қабылданды", - деді Ералы Тоғжанов.

Одан бөлек, футболдан Еуропаның топ-лигалары көрерменсіз өтеді. Испания чемпионатының екі туры, Германия чемпионатының төрт матчы, Франция чемпионатының 15 сәуірге дейінгі ойындарында трибуно бос болады. Ал Англия Премьер-лигасында футболшыларға қол алысып, амандасуға тыйым салынды.

Италия ұлттық Олимпиада комитеті елдегі барлық спорт жарысын 3 сәуірге дейін тоқтатты. Футболдан Италия чемпионаты маусымды осылай аяқтауы да мүмкін.

Одан бөлек, биыл Токио Олимпиадасы биыл емес, бір немесе екі жылдан кейін өтуі ықтимал.