Әлемнің жеті дүркін чемпионы, атақты автошабандоз Михаэль Шумахердің жазыла бастауы әбден мүмкін. 50 жастағы спортшы Париждің Жорж Помпиду атындағы госпиталінде жатқан көрінеді, деп жазады Prosports.kz.Автошабандоздың жүрек бұлшықетіне бағаналық жасушаларды енгізу қолданылатын экспериментальді ем-дом тағайындалған.

Еске сала кетейік, Шумахер 2013 жылдың желтоқсанында Альпі тауларындағы тау шаңғысы жолдарында құлап, басын тасқа соғылған. Одан бері оның денсаулығы туралы еш жерде ресми түрде айтылған жоқ.

Осыдан біраз бұрын Шумахердің Париж ауруханасына шұғыл түрде жатқызылғаны хабарланған болатын.