Әлемнің үш дүркін чемпионы атанған жалғыз футболшының жағдайы Франция астанасындағы іссапарда сыр берген еді. Осыдан соң футбол королі Пеле Париж ауруханасында бірнеше күн жатып шығып, Сан-Паулуға қайта оралды. Дәрігерлердің айтуынша атақты аяқдоп шеберінің денсаулығы қазір жаман емес. 

Пеле: 

«Маған жақын күндері қолдау көрсеткен барлық Бразилиялықтарға алғыс айтамын. Ауруханада жатқанда көптеген адамдар хабарласып, жазылып шығуыма тілектес екендіктерін жеткізді. Адамдардың мен үшін құдайға жалбарынғандарын білемін. Құдайға шүкір, қазір жағдайым жақсы, жасасын Бразилия!» 

78 жастағы Пеленің денсаулығынан ауру тудырғыш инфекциялар табылған. Енді ол өз елінде бірнеше кезеңдік тексеруден өтпек.