Бразилияның аңыз футболшысы Роналдо жақында футбол клубының қожайыны атануы мүмкін. 41 жастағы «Өзге ғаламшарлық» ойыншы футболшылық мансабын 2011 жылы аяқтаған болатын. Содан бері де футбол саласынан алыс кете қойған жоқ. Соңғы кездері оның Бразилия футбол федерациясын басқаруы мүмкін екені де айтылған болатын. Ал футбол аңызының өзі жеке команда сатып алып, басқарушылық қабілетін сынап көруді жөн көрген секілді. Бразилия ақпарат құралдарының жазуынша, Роналдо жақында Испания Сегундасында бақ сынайтын «Реал Вальядолид» командасын сатып алуы мүмкін. Егер аталған клубты шынымен сатып алуға бел байласа, бразилиялықтың 30 млн еуро шығындалуына тура келеді.

24.kz