Махамбет мұрасы

Аудандық балалар кітапханасында Махамбет Өтемісұлының 215 жылдығына орай «Елім деп өткен есіл ер» атты әдеби қойылымды жыр кеші болып өтті.Шараға кент мектеп­терінің 5-8 сынып оқушылары, мәдениет және тілдерді дамыту бөлімінің мамандары мен БАҚ өкілдері қатысты. Алдымен, кешті ұйымдастырушы Перуза Түлкібай оқырмандарға қазақ халқының бір­туар ұлы Махамбет Өтемісұлының өмірі мен еңбектері жайлы қысқаша мағлұмат берді. Мектеп оқушылары ақын­ның ерліктері мен өмір деректерінен, Жәңгір ханның билері­мен ақылдасып отырған сәттерінен көріністер көрсетті. Сондай-ақ, оқушылар ақынға арнаған жырлары мен Махамбеттің өлеңдерін мәнерлеп оқыды.
Кітапханада дана бабаларымыздың өмірі мен еңбектері жайлы жазылған кітаптар мен мерзімді басылымдарға жарияланған мақала­лардан жинақталған «Дана бабалар» атты көлемде кітап көрмесі ұйымдастырылды. Кешті кітапхана меңгерушісі Ұлторы Ешмаханова қорытындылап, оқырмандарға риза­шылығын білдірді. Шара қызықты да тартымды болып өтті.

Асылым ДҮЙСЕНБАЙ.