Тәуелсіздік – ата-бабаның рухын көтеріп, сөнген мемлекетіміздің отын маздатып, елімізді қатарға қосып, әлемдік қауымдастыққа ендірген тәңірдің біздің ұрпаққа берген үлкен бақыты, халқымыздың мәңгілік құндылығы. Біз бүгінге дейінгі барлық жетістіктерімізге Тәуелсіздіктің арқасында қол жеткіздік. Елімізді 26 жыл ішінде әлемге танытқан мерейлі мереке 16 желтоқсан – Қазақстан Рес­публикасы Тәуелсіздігі күніне орай Нартай Бекежанов мемориалдық өнер музейінде «Тәуелсіздіктің ақ таңы» атты мерекелік іс-шарасы өтті. Іс-шарада му­зейдің қор сақтаушысы Н.Нақыпов келген қонақтарды «Тәуелсіз Қазақстан» залымен таныстырып, №156 Н.Бекежанов қазақ орта мектебінің сынып жетекшісі Бақтыгүл Рақышева ұйымдастыруымен 7 сынып оқу­шылары Желтоқсан оқиғасына байланыс­ты көріністерін қойып, өз өнерлерін көрсетті. Нартай ауылдық мәдениет үйінің «Нартай са­зы» фольклорлық ансамбль жетекшісі Р.Қа­­лымбетова қобызбен Қорқыттың «Қоңыр» күйін ойнады. Нартай ауылдық кітапхана қызметкерлері «Тәуелсіздік шежіресі» атты кітап көрмесін қойды. Нартай музейінің Ғабитбек Көшекбаев мерекелік іс-шараға келген қонақтарды құттықтап, өнерлерін көрсеткен өнерпаздарды алғыс хатпен марапаттады.
М.Қалтайқызы,
Н.Бекежанов атындағы мемориалдық
өнер музейінің ғылыми қызметкері.