Өткен аптада халықаралық бала­лар­­ды қорғау күніне орай «Жөлек» бөбекжайы ұжымының ұйымдас­тыруымен «Балдай тәтті балдәурен» мерекелік іс-шарасы өтуде. Мереке шымылдығын бүлдіршіндер үш тілде құттықтау тілегімен ашты. Оқу жылы қорытындысы бойынша бөбекжай меңгерушісі Г.Жолдыбайқызы үздік тәрбиешілерді марапаттады.
Ауыл әкімшілігі, мәдениет үйі ұжымы мен ата-аналар қатысып отырған іс-шара концерттік бағдар­ламамен жалғасты. Ауылдың кәсіпкер азаматтары да балдырғандарға тосын сый жасады. Б.Абызбаев 5 қабатты торт әкеліп таңқалдырса, А.Смайылов, М.Қалдыбаева балаларды балмұздақ, түрлі тәттілермен қуантты. Бөбекжай тәрбиеленушілері «Әрқашан күн сөнбесін» әнін үш тілде орындаумен аяқтады. «Жөлек бөбекжайы» Шиелі аудандық білім бөлімі жанынан құрылған №2 әдістемелік аймақтың ұйымдастыруымен өткен «Әке – ер, ана – жігер, отбасында екі кемеңгер – 2018» сайысына қатысып екінші орынды иеленсе, «Мен және менің тәрбиешім» атты сайысқа музыка жетекшісі Н.Уәлиханқызы қатысып бас жүлдеге ие болды. Іс-шара барысында ата-аналар ризашылықтарын білдіріп, бүлдіршіндер керемет көңіл-күймен тарқасты.

Айнұр Рыспембетова,
«Жөлек» бөбекжайы.