ҚҰРЫЛЫС ЖҰМЫСТАРЫНА ПАРТИЯЛЫҚ БАҚЫЛАУ ЖАСАЛДЫ
"AMANAT" партиясы Шиелі аудандық филиалының атқарушы хатшысы Жібек Баймұратова, аудандық мәслихат төрағасы Мұрат Тұрабаев, "AMANAT" партиясы Шиелі аудандық филиалының партиялық бақылау комиссиясының мүшесі Ғани Есімов, аудандық мәслихат депутаты Нұргүл Шәлекеева, "AMANAT" партиясы Шиелі аудандық филиалының консультанты Біржан Өтебай күрделі жөндеу жұмысы жүргізіліп жатқан №219 Ы.Алтынсарин атындағы орта мектебінде болып, партиялық бақылау жүргізді.Мониторинг барысында мектеп басшылығы мен мердегер қызметкерлері нысан басында болып, құрылыс барысы туралы жан-жақты түсіндіріп, жобаның жүзеге асу кезеңдерімен таныстырды. Құрылыстың сапасы мен мерзімінде аяқталуы партиялық бақылауда болатыны айтылды.
"AMANAT" партиясы халық игілігіне арналған барлық жобаларға тұрақты бақылау жүргізуді жалғастыра береді.
