Бүгін «AMANAT» партиясы Шиелі аудандық филиалы жанындағы Партиялық бақылау комиссия мүшелері Сайлауалды бағдарлама аясында мал басын көбейту, асылдандыру мен өнімін ұлғайту бағытында атқарылып жатқан жұмыстарды саралау, ұсыныстарды тыңдау мақсатында Шиелі кентінде орналасқан «Тұлпар» шаруа қожалығы жұмысына партиялық бақылау жасады. Мониторинг жұмысына партияның аудандық филиал төрағасы Болат Сыздық, Партиялық бақылау комиссиясының төрағасы Насырбек Мырзабеков, облыстық мәслихат депутаты, облыстық мәслихаттағы «AMANAT» партиясы депутаттық фракциясының мүшесі Даулет Жұмбеков, партиялық бақылау комиссия мүшесі, партия ардагері Ғани Есімов қатысты. Өз кезегінде Партиялық бақылау комиссия төрағасы Насырбек Аябекұлы агроөнеркәсіпті қолдау, ауыл халқының табысын арттыру мемлекет пен «AMANAT» партиясының стратегиялық міндеттерінің бірі екенін атап өтіп, осы бағытта атқарылып жатқан жұмыстарды жеткізді.