«AMANAT» партиясының бастамасымен еліміз бойынша сайлауалды уәделердің орындалу барысын жүйелі бақылап отыру мақсатында ауданымызда салынып жатқан құрылыс нысандарына партиялық бақылау жұмыстары жалғасуда. Жақында осындай нысандардың бірі, яғни партияның сайлауалды бағдарламасы аясында Бестам ауылындағы құрылысы жүріп жатқан  150 орындық клубқа партиялық бақылау жұмыстары жүргізілді.

Партиялық бақылау жұмысына «AMANAT» партиясы Шиелі аудандық партия филиалының төрағасы Болат Сыздық, облыстық мәслихаттағы партия филиалының фракция мүшелері Ысқақ Жанкелді, Жұмбеков Дәулет, Бестам ауылдық ардагерлер кеңесінің төрағасы Ахметов Әбілда және ардагерлер кеңесінің мүшелері қатысты.

Бақылау жұмысының басты мақсаты - құрылыс сапасын, бөлінген қаражаттың тиімді игерілуін, қауіпсіздік ережелерінің сақталуын, жұмысшылардың әлеуметтік жағдайын, сондай-ақ жалақының уақытылы берілуін бақылауға болады.