Әмбеге аян, жастардың сүйіп көретін және көңілді ойнайтын әзіл алаңына айналған «Жайдарман» ойыны бүгінде көптің назарын аударып жүрген ерекше жобаның бірі. Көптеген жастардың жүрегінен жол таба білген «Жайдарманның» ерекшелігі – қоғамдағы болып жатқан құбылыстарды және халықтың заманауи сұранасының талаптарына сай болуында, сахна мәдениеті мен шеберлік, би, ән, мимика, сөйлеу мәнері, ой ұшқырлығы секілді өнер атаулының түрлі жанрларын қамтиды. Бар жанарды жаулаған «Жайдарман» ойынын дамыту мақсатында аудандық жастар ресурстық орталығы, сондай-ақ мәдениет саласының мамандары айтарлықтай жұмыс істеп, аудан жастары арасында түрлі сайыстар өткізіп келеді.

Осындай әзіл-қалжынға толы мәдени іс-шараның біріне тоқталар болсақ, өткен аптаның қасиетті жұмасында «Салтанат сарайы» ғимаратында аудандық қоғамдық даму бөлімінің «Жастар ресурстық орталығы» КММ-нің ұйымдастыруымен, «Өскен өңір» газетінің 85 жыл толуына орай Жайдарман ойындарының 1/4 ширек финалы өтті. Мәдени іс-шара барысында аудандық қоғамдық даму бөлімі басшысы Кенжехан Шахизатұлы сахна төріне көтеріліп, қатысушыларға сәттілік тіледі. Сонымен қатар іс -шараға журналист-заңгер, Қазақстанның мәдениет қайраткері, Ақайдар Ысымұлы келіп командаларға әділ бағасын берді. Сайысты жүргізу тізгіні жастардың жанашыры, танымал жайдарманшы Рамазан Бақытжанұлына бұйырды. Жастарға тәлім-тәрбие беріп, қоғамдағы келелі мәселелерді астарлы әзілмен жеткізуге дәріптелген кеште өнерлі жастар әдемі ойын өрнегін көрсетіп, сан түрлі қағытпа қалжыңдар арқылы сахналы қойылымдардың м а з м ұ н ы н а ш а б і л д і . К ө ң і л д і жадыратқан «Жайдарман» ойынын нәтижесінде 6 команда жартылай финалдық ойынға жолдама алды. Жарыс қатысушыларына әділқазылар тарапынан арнайы «Үздік ойыншы» дипломы Кәмшат Табиғатқызы мен Әлішер Мұханұлына берілді. Осылайша аудан көлемінде ұйымдастырылған көңілді тапқырлар бәсекесіне қатысқан барлық командалар есте қалар ойынды көрсетіп, көрермендер көңілінен шыға білді. Болашағын бүгіннен бастаған ауданның көңілді, жалынды, білімді жастары биіктерден көріне беруіне тілектес болайық.