Жуырда жастар ресурстық орталығының мәжіліс залында «Үкіметтік емес ұйымдарға арналған ақпараттықресурс орталығы жұмысын ұйымдастыру әлеуметтік жобасы аясында іс-шара өтті. Жиын барысында атқарылып жатқан функциялары, жоспарлары мен бюджеттік бағдарламалары, 9 айлық мемлекеттік әлеуметтік тапсырыс аясында өткізілген шаралар және келер жылға жоспарланған жобалар жайлы, 2025 жылдың жоспарлары туралы кеңінен ақпарат таратылды. Оған аудандық қоғамдық даму бөлімінің басшысы Кенжехан Есенбаев, жұмыспен қамту және әлеуметтік бағдарламалар бөлімі, аудандық мәдениет және тілдерді дамыту бөлімі және дене тәрбиесі, спорт және туризм бөлімінің бас мамандары қатысты. Іс-шараны жоба заңгері Айжан Айтмамбетова жүргізді.

Бүгінде мемлекетіміз үкіметтік емес ұйымдардың демократиялық процестердегі рөлін сезіне келе, оған сеніммен қарай бастады. Соған сай азаматтық қоғамда мұндай ұйымдардың қатары артып келеді. Көп жағдайда оларды «үшінші сектор» деп те атайды. Атап айтсақ, бірінші сектор – мемлекет болса, екінші сектор – коммерциялық ұйымдар. Одан кейін бірнеше адамдардың бірлесіп, қоғамдасып жұмыс істейтін тобы – үкіметтік емес ұйымдар. Олар – белсенділер. Мұндай бірлескен топ пайда табумен айналыспайды. Олардың басты мақсаты – азаматтардың белсенділігін оятып, қоғамға пайдалы жұмыстар атқарады. Дәл солай өңірде де келелі мәселелерді көтеріп, халыққа пайдасын тигізіп жүрген үкіметтік емес ұйымдар баршылық. Айта кетейік, шара облыстық қоғамдық даму басқармасының мемлекеттік ә л е у м е т т і к т а п с ы р ы с ы н а с ә й к е с ұйымдастырылды. Сондай-ақ шараға ҮЕҰ өкілері және «Ел намысы» спорт клубы» қоғамдық бірлестігінің төрағасы Әлібек Шәкірбекұлы мен «Үміт» мүгедектер қоғамдық қоры төрағасы Асылбек Смайлов қатысып, ұтып алған жобаларды баяндады. Кездесу соңында үкіметтік емес ұйымдар тарапынан қойылған сұрақтарға жауап беріліп, ұсыныс-пікірлер айтылды.