Жұма күні Еңбекші ауылдық мәдениет үйінің ұйымдастыруымен Шиелі ауданының құрылғанына 95 жылдық мерейтойына арналған «Ән салсам болама» атты шара өтті.
Шараға ауылдық ардагерлер кеңесінің төрағасы М.Бекқожаев, ауылдық әйелдер кеңесінің төрағасы Ұ.Бәтішова, ауыл әкімі Б.Серікбайұлы, ауыл тұрғындары, зиялы қауым өкілдері, жаны жайсаң ұстаздар мен балабақша тәрбиешілері қатысты.

Шара барысында Еңбекші ауылдық мәдениет үйінің қызметкері Жеңіскүл Бердібекова «Жолыққан қандай жақсы» әнін орындаса, «Әділжан» бала бақшасының тәрбиешісі «Бір шәугім шай» әнін орындады. Дене шынықтыру пәні маманы Тәжен Нәзік «Елге сәлем», «Нұрбөбек» балабақшасының тәрбиешісі «Аппағым», №84 Қосүйеңкі мектебінің ұстазы Гүлфира Бекжапбарова «Анама» әнін орындап, қалың көрерменнің ыстық ықыласына бөленді.

Шара соңында сахна төрінде өнер көрсеткен жандарға ауыл әкімінің алғыс хаттары табысталып, бағалы сыйлықтар тарту етілді.